နိုင်ငံပေါင်း (၃၀)ရှိ ကော်ပိုရေးရှင်းများ၊ အကျိုးအမြတ်အတွက် မရည်ရွယ်သောအဖွဲ့အစည်းများနှင့် အစိုးရအဖွဲ့တို့မှ လူပေါင်း (၁,၇၀၀) ဦး၏ ပညာရေးရာဇဝင်များကို နှိုင်းယှဉ်ကြည့်ခဲ့ပါတယ်။ ထို့အပြင် သက်ဆိုင်ရာနယ်ပယ်အသီးသီး၏ ထိပ်ပိုင်းကိုရောက်ရန် အဆင့်မြင့်ပညာရေးက မည်သည့်အခန်းကနေ ပါဝင်ကူညီခဲ့သည် ကိုသိရှိနိုင်ရန် ထိပ်တန်းခေါင်းဆောင်(၁၀) ဦးကိုလည်း တွေ့ဆုံမေးမြန်းခဲ့ပါတယ်။
ဤသုတေသနအရ အောင်မြင်မှုကို လုပ်ငန်းသဘောရှုထောင့်မှနေ၍ သတ်မှတ်ပါသည်။ တစ်စုံတစ်ယောက် သောသူသည် ၎င်း၏သက်မွေးလုပ်ငန်းတွင် တာဝန်ရှိမှု တစ်စုံတစ်ရာ အဆင့်ကိုရောက်ရှိနေခြင်းဟု သတ်မှတ်ခြင်းပင်ဖြစ်ပါသည်။ တကယ်တမ်းကျတော့ ပုံမှန်ပညာရေးလမ်းကြောင်းအတိုင်း လိုက်နာခြင်းမရှိခဲ့သော အောင်မြင်သည့်ပုဂ္ဂိုလ်အများအပြား ရှိပါတယ်။ ကမ္ဘာ့အင်အားအကြီးမားဆုံးလုပ်ငန်းရှင်များထဲတွင်ပါသည့် Mark Zuckerberg (Facebook ကိုတည်ထောင်သူ) နှင့် Richard Branson (ဗြိတိသျှလူမျိုး လုပ်ငန်းရှင်ကြီး) တို့သည် တက္ကသိုလ်မှဘွဲ့မရရှိခဲ့ပါ။ ဤသုတေသနသည် အောင်မြင်မှုရရှိရန် တစ်ခုတည်းသောနည်းလမ်းမှာ အဆင့်မြင့် ပညာရေးဖြစ်သည်ဟု မဆိုလိုပါ။ ၎င်းအစား ကျွန်ုပ်တို့သည် ဘွဲ့ရခဲ့သော ခေါင်းဆောင်များကို လေ့လာခဲ့ပြီး ၎င်းတို့၏ အောင်မြင်မှုတွင် အဆင့်မြင့်ပညာရေး အတွေ့အကြုံက မည်ကဲ့သို့ ပံ့ပိုးပေးခဲ့ကြောင်းကိုသာ ဆန်းစစ်ခဲ့ပါတယ်။
ခေါင်းဆောင်များ၏ တစ်ဝက်ကျော်က လူမှုရေးသိပ္ပံ (social sciences) နှင့် လူမှု (humanities) ဘာသာရပ်တို့ကို သင်ယူခဲ့ပါသည်
လေ့လာခဲ့သော ခေါင်းဆောင်များ၏တစ်ဝက်ကျော်ကျော် (၅၅%) က လူမှုရေးသိပ္ပံ (၄၄%)(သို့) လူမှုဘာသာရပ်များ (၁၁%) တို့ဖြင့် B.A ဘွဲ့ကို ရရှိခဲ့ကြောင်းသုတေသနမှ တွေ့ရှိခဲ့ပါသည်။ အစိုးရဌာနတွင် အလုပ်လုပ်သူများက လူမှုရေးသိပ္မံကို သင်ယူခဲ့ပုံရပြီး အကျိုးအမြတ်မရည်ရွယ်သောအဖွဲ့အစည်းများ၌ အလုပ်လုပ်သူများက လူမှုရေးဘာသာ ရပ်ကို နှစ်သက်ခဲ့ပုံရပါသည်။ အသက်(၄၅)နှစ်အောက်ရှိငယ်ရွယ်သော ခေါင်းဆောင်များက လူမူရေးလူမှုရေးသိပ္ပံ နှင့် လူမှုဘာသာရပ်နောက်ခံရှိပြီး၊ အသက်(၄၅)နှစ်ကျော်သူများကတော့ သိပ္ပံ၊ နည်းပညာ၊ စက်မှုပညာ(သို့)သင်္ချာဘာသာရပ် (science, technology, engineering and mathematics - STEM) တို့ကို သင်ယူခဲ့ပုံရပါတယ်။
သို့သော်လုပ်ငန်းအောင်မြင်မှုကို စွမ်းဆောင်နိုင်သောတစ်ခုတည်းသော ဘာသာရပ်ဟူ၍မရှိပါ
တစ်စုံတစ်ခုသော ဘာသာရပ်သည် ပို၍ကြီးမားသော လုပ်ငန်းအောင်မြင်မှုကို ရစေနိုင်တယ်လို့ ကျွန်ုပ်တို့၏ သုတေသနတွေ့ရှိချက်များက မဖော်ညွှန်းပါ။ အံ့သြစရာမရှိသော်လည်း ၎င်းတွေ့ရှိချက်များက ပို၍နည်းပညာဆန်သော နယ်ပယ်ဖြစ်သည့် ကျန်းမာရေး၊ စွမ်းအင်နှင့် ပတ်ဝန်းကျင်၊ (သို့) လုံခြုံရေးနှင့်ကာကွယ်ရေးဌာနများရှိ ခေါင်းဆောင်များ က STEM ဘွဲ့တစ်ခုခုကို ရရှိထားကြောင်းကို ဖော်ပြပါတယ်။ အစိုးရဌာနများတွင် ရှိသူများကတော့ လူမှုရေးသိပ္ပံ နောက်ခံရှိပြီး အကျိုးအမြတ်အတွက် မရည်ရွယ်သောအဖွဲ့အစည်းများတွင် ရှိသူများကတော့ လူမှုဘာသာရပ်ဘွဲ့ကို ရရှိပုံပေါက်ပါတယ်။ သို့ရာတွင် လေ့လာချက် များတွင် ခြွင်းချက်များပါရှိပါတယ်။ ထို့ကြောင့် မှတ်သားရမဲ့ အဓိကအချက်ကတော့ လုပ်ငန်းအောင်မြင်မှုကို လူမှုဘာသာရပ်၊ လူမှုရေးသိပ္ပံ (သို့) STEM ဘွဲ့တစ်ခုခုဖြင့် ရယူနိုင်တယ် ဆိုတဲ့အချက်ဖြစ်ပါတယ်။
လုပ်ငန်းအောင်မြင်မှုကို တက္ကသိုလ်မှ (စာသင်ခန်းပြင်ပ) တွဲဖက်သင်ရိုးလှုပ်ရှားမှုများက မြှင့်တင်ပေးပါသည်
အဆင့်မြင့်ပညာရေးသည် တိုက်ရိုက်သင်ယူမှုကိုသာ ပေးသည်မဟုတ်ပါ။ ကျောင်းသားအများစုက ၎င်းတို့သည် ကျောင်းစာအပြင်မှ လှုပ်ရှားမှုများနှင့် အတွေ့အကြုံများကတစ်ဆင့် ကျွမ်းကျင်မှုအသစ်များကို သင်ယူနိုင်တာကို တွေ့ရှိကြပါတယ်။ ကျွန်ုပ်တို့တွေ့ဆုံမေးမြန်းခဲ့သူ(၁၀)ဦးကို သူတို့၏ လုပ်ငန်းအောင်မြင်မှုကို မြှင့်တင်ပေးခဲ့သော တွဲဖက်သင်ရိုးလုပ်ငန်း များအကြောင်း စဉ်းစားခိုင်းခဲ့ပါတယ်။ သူတို့ပြောသွားတာကတော့ လှေလှော်အားကစား ကဲ့သို့သော စည်းကမ်းနှင့်ယှဉ်ပြိုင် လိုသောစိတ်ဓာတ်ရရှိခဲ့သော အာကစား၊ တက္ကသိုလ်မှာ မတူညီသောယဉ်ကျေးမှုများဖြင့် ထိတွေ့မှုနှင့်စီးပွားရေးစွမ်းဆောင်မှုနှင့် တီထွင်မှုကို အားပေးသောသင်ကြား/သင်ယူမှု ပတ်ဝန်းကျင် တို့ပဲဖြစ်ပါတယ်။ စာသင်ခန်းပြင်ရှိ အခွင့်အလမ်းများကို အကျိုးရှိရှိအသုံးချပြီး ကွန်ယက်များကို တည်ဆောက်ခဲ့ပါတယ်။ ၎င်းကွန်ယက်များက သူတို့၏ လုပ်ငန်းကိုဆက်လက်၍ အကျိုးပြုပြီး ယဉ်ကျေးမှုနှင့် ပတ်သက်သော လိမ္မာပါးနပ်မှုနှင့်အသုံးဝင်သော အသိပညာများကို ပိုမိုရရှိခဲ့ပါတယ်။
နိုင်ငံတကာအတွေ့အကြုံသည် အရေးကြီးပါသည်
လေ့လာခဲ့သော ခေါင်းဆောင်များအနက် ၄၆% သည် နိုင်ငံတကာအတွေ့အကြုံတစ်မျိုးမဟုတ်တစ်မျိုးကို ရရှိခဲ့ပါတယ်။ ပြည်ပ၌ ပညာသင်ယူခြင်း(သို့) နိုင်ငံတကာအလုပ်အတွေ့အကြုံတို့ပဲဖြစ်ပါတယ်။ သူတို့ရရှိခဲ့တဲ့ဘွဲ့က အဆင့်မြင့်လေ သူတို့ကပြည်ပ၌ ပညာသင်ယူခဲ့ဖို့များလေ ဖြစ်ပါတယ်။ ပြည်ပကနေ မဟာဘွဲ့၊ ကျွမ်းကျင်ပညာရှင်ဘွဲ့ (professional degree) (သို့) PhD ပါရဂူဘွဲ့ကို ရယူခဲ့တာ ပိုဖြစ်ကောင်းဖြစ်နိုင်ပါတယ်။ US ကတော့ ပညာသင်ယူရတာအကြိုက်ဆုံးနိုင်ငံဖြစ်ပြီး UK ကတော့ ဒုတိယဖြစ်ပါတယ်။
အလုပ်ကပဲဖြစ်ဖြစ်၊ ပညာသင်ယူခြင်းမှပဲဖြစ်ဖြစ် ရရှိခဲ့သောနိုင်ငံတကာ အတွေ့အကြုံက လူတွေကို ဆက်ဆံရေး ကျွမ်းကျင်မှု၊ ယဉ်ကျေးမှုကို နားလည်နိုင်စွမ်း၊ လိုက်လျောညီထွေစွာ နေတတ်မှုနှင့် ပြဿနာများကို ဖြေရှင်းနိုင်စွမ်း ရရှိရန် အားပေးပုံရပါတယ်။
Canada၊ UK၊ နှင့် US တို့တွင် လူမှုဘာသာရပ်ဘွဲ့ရသူများ၏ အချိုးမှာ အမြင့်ဆုံးဖြစ်သည်
လူမှုဘာသာရပ်ဘွဲ့ရသူများ၏ အမြင့်ဆုံးရာခိုင်နှုန်း (၁၉%)ရှိသော နိုင်ငံများသည် Canada၊ US၊ နှင့် UK တို့ဖြစ်ပါတယ်။ ၁၈%ဖြင့် ဒုတိယလိုက်တာကတော့ - Poland၊ Russia နှင့် Ukraine တို့ဖြစ်ပြီး ၁၆%နှုန်းဖြင့် တရုပ်၊ ဂျပန်နှင့် တောင်ကိုရီးယားတို့က တတိယဖြစ်ပါတယ်။ သိပ္ပံနည်းပညာကိုအဓိကထားသော တရုပ်ကဲ့သို့သော အာရှနိုင်ငံများမှ ခေါင်းဆောင်တော်တော်များများသည်ပင် STEM ဘာသာရပ်များကို သင်ယူခဲ့ခြင်းမရှိတာကို စိတ်ဝင်စားဖွယ်ရာတွေ့ရပါတယ်။
အီဂျစ်၊ ဆော်ဒီအာရေဗျနှင့် တူရကီနိုင်ငံများမှ ခေါင်းဆောင်များသည် ပြည်ပ၌ ပညာသင်ယူခဲ့နိုင်ခြေပိုများပါသည်
Canada၊ US နှင့် UK ရှိသူများ၏ လေးပုံတစ်ပုံသာ ပြည်ပ၌ ပညာသင်ယူခဲ့ကြပြီး အီဂျစ်၊ ဆော်ဒီအာရေဗျနှင့် တူရကီနိုင်ငံမှ ခေါင်းဆောင်များ၏ ၇၅% ခန့်သည် နိုင်ငံတကာအတွေ့အကြုံရှိကြောင်း သိရှိခဲ့ပါတယ်။ဒုတိယလိုက်တာကတော့ Kenya၊ Nigeria နှင့် တောင်အာဖရိကမှ ခေါင်းဆောင် တွေပဲဖြစ်ပါတယ်။ ဒါပေမဲ့ Austria ၊ Germany နှင့် Netherlands ရှိ ၉၆% သော ခေါင်းဆောင်များနှင့် Argentina၊ Brazil နှင့် Mexico ရှိ ၉၁%သော ခေါင်းဆောင်များကတော့ ထူးထူးကဲကဲ ကိုယ့်နိုင်ငံ၌သာ ပညာသင်ယူခဲ့ကြပါတယ်။
နောက်ထပ်လုပ်စရာများရှိပါသေးသည်
ဤတွေ့ရှိချက်များက ကျွန်ုပ်တို့စုစည်းခဲ့တဲ့ အချက်အလက်များ၏ အပေါ်ယံမျှသာဖြစ်ပါတယ်။ သုတေသနကို ပြီးပြည့်စုံသော အခြေအနေရဖို့ဆိုလျှင် တိကျသောနယ်ပယ်များနှင့် ပြည်ပမှရရှိခဲ့သော ဘွဲ့များကို ပို၍ဆန်းစစ်ရန် လိုအပ်တဲ့အပြင် လက်ရှိ ထင်ရှားလာစ ခေါင်းဆောင်များနှင့် အခြေခိုင်မာပြီးသား ခေါင်းဆောင်များ၏ ပညာရေးအတွေ့အကြုံများကို ပို၍နက်နက်ရှိုင်းရှိုင်း နှိုက်နှိုက်ချွတ်ချွတ် လေ့လာရန်လိုပါသည်။ ဒါမှသာ အဆင့်မြင့် ပညာရေးသည် လုပ်ငန်းအောင်မြင်မှုကို မည်ကဲ့သို့အထောက်အကူပြုသည်ကို ပို၍သိရှိနိုင်အောင် ကျွန်ုပ်တို့ကို အကူအညီပေးမှာ ဖြစ်ပါတယ်။
မူရင်းဆောင်းပါးကို http://www.britishcouncil.org/blog/what-do-worlds-most-successful-p... တွင်ဖတ်ရှုနိုင်ပါသည်။